O Pino.-31/05/2011 Os efectivos do Consorcio Provincial Contraincendios e Salvamento da Coruña con base no Parque de Bombeiros de Arzúa interviñeron como consecuencia dun accidente de tráfico acontecido á altura da parroquia de Santa María de Gonzar, no termo municipal do Pino.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse con que o condutor dun tráiler que transportaba botellas de auga estaba atrapado na cabina do mesmo. O seu labor consistiu no seu rescate.
Ata o lugar do accidente desprazáronse un un sarxento xefe de parque, un cabo xefe de quenda, dous bombeiros e un vehículo autobomba urbana. Ademais dos bombeiros do Consorcio, tamén participaron na intervención efectivos da Garda Civil, da Garda Civil de Tráfico e do Corpo de Bombeiros de Santiago. Unha vez rematado o servizo, regresaron á súa base, quedando de novo operativos.