Carballo.-28/03/2011 Efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños interviñeron nun incendio nun edificio situado na rúa Río Sil, nº 34, no Concello de Carballo.
O Centro de Coordinación de Emerxencias 112-Galicia recibiu o aviso e deseguido se puxeron en marcha os bombeiros, os que, cando chegaron ó lugar do incidente, foron informados pola Policía Local de que o indendio xa estaba extinguido, pero había moito fume nas escaleiras do edificio. O lume producírase no cadro eléctrico da construción. A súa intervención consistiu en ventilar o inmoble e en asegurarse de que o lume fora sufocado por completo.
Ata o lugar do incidente desprazáronse un sarxento xefe de parque, un cabo xefe de quenda, tres bombeiros, unha autobomba urbana e un vehículo autoescaleira. Ademais dos bombeiros, tamén participaron na intervención membros da Policía Local e do GRUMIR. Unha vez rematado o servizo, regresaron á súa base, quedando de novo operativos.