Betanzos.-10/11/2010 O Centro de Coordinación de Emerxencias 112-Galicia recibiu aviso dun descarrilamento dun tren con mercadorías perigosas na estación de Betanzos (Infesta). De inmediato mobilizáronse os efectivos do Consorcio Provincial Contraincendios e Salvamento da Coruña con base no Parque de Bombeiros de Betanzos, que se trasladaron á zona. Ó chegar ó lugar do incidente, verificaron os vagóns por se houbera danos ou fendas polas que se puidera verter o contido da carga ó exterior. En coordinación cos técnicos de ADIF e seguridade de RENFE, tomáronse as medidas preventivas oportunas ante a toxicidade e inflamabilidade do composto químico, ata que se puideron retirar os vagóns afectados e a vía quedou operativa, dando por rematada a interveción.
Enviar