Aranga.-20/06/2011 Efectivos do Consorcio Provincial Contraincendios e Salvamento da Coruña con base no Parque de Bombeiros de Betanzos interviñeron como consecuencia dun accidente de tráfico acontecido á altura do concello de Aranga.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse cun vehículo envorcado lateralmente na mediana da estrada, enriba da perna dunha persoa. O seu labor consistiu en estabilizar o automóbil e en liberar á vítima atrapada.
Ata o lugar do accidente desprazáronse un cabo xefe de quenda, dous bombeiros e un vehículo autobomba urbana. Ademais dos bombeiros, tamén participaron na intervención membros da Garda Civil de Tráfico, do 061 e persoal de mantemento de autoestradas. Unha vez rematadas as tarefas de rescate, regresaron á súa base, quedando de novo operativos.