Localización +34 981 758 117 registro@cciacoruna.gal
Estás en: Inicio > Novas > Accidente de tráfico cunha persoa atrapada na parroquia de Rodís, no concello de Cerce

Accidente de tráfico cunha persoa atrapada na parroquia de Rodís, no concello de Cerceda

Accidente de tráfico cunha persoa atrapada na parroquia de Rodís, no concello de Cerceda

     Cerceda.-30/04/2011 Efectivos do Consorcio Provincial Contraincendios e Salvamento da Coruña con base no Parque de Bombeiros de Ordes interviñeron como consecuencia dun accidente de tráfico acontecido á altura da parroquia de Rodís, no termo municipal de Cerceda.

     O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse co vehículo fóra da estrada e cunha persoa atrapada no asento dianteiro do lado do acompañante. O seu labor consistiu en extraer á vítima e en limpar a estrada dos restos do accidente.

     Ata o lugar desprazáronse un cabo xefe de quenda, catro bombeiros e un vehículo autobomba urbana. Ademais dos bombeiros, tamén participaron na intervención efectivos da Policía Local, da Garda Civil de Tráfico, Voluntarios de Protección Civil e persoal do GRUMIR. Unha vez rematado o servizo, regresaron á súa base, quedando de novo operativos.


enviar a un amigo Enviar