Zas.-17/04/2011 Efectivos do Consorcio Provincial Contraincendios e Salvamento da Coruña con base no Parque de Bombeiros do Xallas-A Barcala extinguiron un incendio nunha vivenda situada na parroquia de Baio, no Concello de Zas.
O Centro de Coordinación de Emerxencias 112-Galicia recibiu o aviso e deseguido se puxeron en marcha os bombeiros, os que, cando chegaron ó lugar do incidente, atopáronse con que o que estaba a arder era o baixo do inmoble. A súa intervención consistiu en sufocar o incendio e na ventilación do local. Afortunadamente, non houbo que lamentar danos persoais.
Ata o lugar do incendio desprazáronse un cabo xefe de quenda, tres bombeiros, e os vehículos autobomba urbana e nodriza. Ademais dos bombeiros, tamén participaron na intervención membros da Garda Civil, do GRUMIR e persoal do 061. Unha vez rematado o servizo, regresaron á súa base, quedando de novo operativos.