Santa Comba.-02/04/2011 Efectivos do Consorcio Provincial Contraincendios e Salvamento da Coruña con base no Parque de Bombeiros do Xallas-A Barcala excarceraron unha persoa atrapada como consecuencia dun accidente de tráfico acontecido na parroquia de Santa Sabiña, no termo municipal de Santa Comba.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, ó chegar ó lugar do sinistro, atopáronse cun vehículo envorcado lateralmente e cunha persoa atrapada polo mesmo. A súa intervención consistiu en liberar á vítima e na limpeza da estrada dos restos do automóbil.
Ata o lugar do accidente desprazáronse un cabo xefe de quenda, tres bombeiros, unha autobomba urbana e un vehículo autobrazo. Ademais dos bombeiros, tamén colaboraron na intervención efectivos da Garda Civil, da Garda Civil de Tráfico, do GRUMIR e persoal do 061. Unha vez rematado o servizo, regresaron á súa base, quedando de novo operativos.