Carballo.-29/05/2014 Efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños explicaron o seu traballo ante aproximadamente 1200 nenos no Fórum de Carballo.
Os rapaces proviñan dos centros de A Cristina, Artai, Bergantiños, Nétoma-Razo, Fogar, Xesús San Luis Romero, ademais de Aspaber (todos de Carballo) e o Labarta Pose de Baio.
Tamén puideron ver unha curtametraxe e percorrer os diversos estands. Ademais dos bombeiros, colaboraron no acto membros da Policía Local e de Protección Civil.