Carballo.-16/06/2013 Efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños extinguiron un incendio en cinco automóbiles que estaban a arder na estrada, preto da capela de San Adrián, no termo municipal de Carballo.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do incidente, atopáronse cun incendio en cinco vehículos, catro deles estacionados e un no medio da estrada. O seu labor consistiu en sufocar o lume e na limpeza da estrada dos restos dos automóbiles. Afortunadamente, non houbo que lamentar danos persoais.
Ata o lugar do sinistro desprazáronse un cabo xefe de quenda, dous bombeiros e os vehículos autobomba urbana e nodriza. Ademais dos bombeiros, tamén colaboraron na intervención membros da Policía Local, da Garda Civil e do SMPC de Carballo. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.