Carballo.-10/09/2012 Os efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños interviñeron como consecuencia dunha cornixa que estaba a piques de desprenderse, na rúa Camiño Novo nº 4, no termo municipal de Carballo.
Unha vez recibido o aviso, mobilizáronse os bombeiros, os que, cando chegaron ó lugar do sinistro, atopáronse cun edificio bastante deteriorado, cuberto cunha lona para evitar o desprendemento de cascallos, pero cun cascote de grandes dimensións nun lateral a piques de caer. O seu labor consistiu na retirada dos cascallos con risco de caída e na revisión da fachada, para evitar calquera desprendemento.
Ata o lugar desprazáronse un sarxento xefe de parque, un cabo xefe de quenda, tres bombeiros e os vehículos autobomba urbana e autoescaleira. Ademais dos bombeiros, tamén colaboraron na intervención efectivos da Policía Local de Carballo. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.