Dumbría.-21/11/2011 Efectivos do Consorcio Provincial Contraincendios e Salvamento da Coruña con base no Parque de Bombeiros da Costa da Morte interviñeron como consecuencia dun accidente de tráfico acontecido á altura da parroquia de Salgueiros, no termo municipal de Dumbría.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse cun vehículo que se saíra da vía, cunha persoa atrapada no seu interior. O seu labor consistiu en liberala, para que puidera ser atendida polo persoal sanitario e na limpeza da estrada dos restos dos accidente.
Ata o lugar do sinistro desprazáronse un cabo xefe de quenda, dous bombeiros e os vehículos autobomba urbana e autoescada. Ademais dos bombeiros, tamén colaboraron na intervención membros da Garda Civil de Corcubión, Voluntarios de Protección Civil de Dumbría e persoal do 061. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.
Enviar