Carballo.-03/11/2011 Os efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños interviñeron como consecuencia dun incendio nun alpendre acontecido na parroquia de Cances, no termo municipal de Carballo.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse con que o pallote que estaba ardendo contiña millo, madeira, plásticos, ferros, patacas... Do lado dereito do mesmo caeran varias tellas do tellado. O seu labor consistiu en extinguir o incendio. Tamén retiraron parte do material almacenado no interior do pendello para evitar unha posible reignición do lume e algunhas tellas que estaban a piques de caer.
Ata a zona desprazáronse un cabo xefe de quenda, tres bombeiros e os vehículos autobomba urbana e nodriza. Ademais dos bombeiros, tamén participaron na intervención efectivos da Garda Civil e do GRUMIR. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.
Enviar