Coristanco.-10/10/2011 Efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños interviñeron como consecuencia dun incendio que se produciu nunha parcela situada na parroquia de Castro, no concello de Coristanco.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do incidente atopáronse con que estaba a arder unha silveira próxima a unhas leiras nas que se cultivaba millo. O seu labor consistiu en sufocar o lume.
Ata a zona desprazáronse un cabo xefe de quenda, tres bombeiros e os vehículos autobomba urbana e nodriza. Ademais dos bombeiros, tamén participaron na intervención Voluntarios de Protección Civil. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.