Cabana de Bergantiños.-10/09/2011 Efectivos do Consorcio Provincial Contraincendios e Salvamento da Coruña con base no Parque de Bombeiros de Bergantiños interviñeron como consecuencia dun accidente de tráfico acontecido á altura da parroquia de Nantón, no Concello de Cabana de Bergantiños.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse cun accidente de tráfico entre dous vehículos. Un dos condutores resultou ferido e foi trasladado en ambulancia ó hospital. O seu labor consistiu na limpeza da estrada dos restos dos automóbiles.
Ata o lugar do accidente desprazáronse un cabo xefe de quenda, tres bombeiros e un vehículo autobomba urbana. Ademais dos bombeiros, tamén colaboraron na intervención membros da Garda Civil de Tráfico e persoal do 061. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.
Enviar