A Capela.-19/07/2011 Efectivos do Consorcio Provincial Contraincendios e Salvamento da Coruña con base no Parque de Bombeiros do Eume extinguiron un incendio nunha carpintería situada na parroquia de Cabodantoi, no concello da Capela.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do incidente, atopáronse cun incendio nunha carpintería doméstica, próxima ó domicilio do propietario. O seu labor consistiu en apagar o lume e en sacar o material inflamable que se atopaba no interior da mesma.
Ata a zona desprazáronse un cabo xefe de quenda, dous bombeiros e os vehículos autobomba urbana e nodriza. Ademais dos bombeiros, tamén participaron na intervención membros da Garda Civil e do GRUMIR das Pontes. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.
Enviar