Vimianzo.-04/07/2011 Efectivos do Consorcio Provincial Contraincendios e Salvamento da Coruña con base no Parque de Bombeiros da Costa da Morte extinguiron un incendio nun alpendre situado na parroquia de Serramo, no concello de Vimianzo.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do incidente, atopáronse con que estaban ardendo unhas pacas de herba seca almacenadas nun pendello. No lugar, xa estaban traballando na extinción do incendio os donos e veciños do inmoble, unha cuadrilla e un axente forestal . O seu labor consistiu en sufocar o lume.
Ata o sitio desprazáronse un cabo xefe de quenda, dous bombeiros e os vehículos autobomba urbana e nodriza. Ademais dos bombeiros, tamén participaron na intervención membros da Garda Civil, os donos e veciños do inmoble, unha cuadrilla e un axente forestal cunha motobomba da Xunta de Galicia. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.
Enviar