Santa Comba.-15/05/2011 Efectivos do Consorcio Provincial Contraincendios e Salvamento da Coruña con base no Parque de Bombeiros do Xallas-A Barcala retiraron unhas persianas soltas nun edificio situado na rúa Xosé Suárez Vence, no concello de Santa Comba.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do incidente, viron que se trataba de dúas persianas que estaban soltas e que se batían co aire, no 4º andar do do edificio. Como na vivenda non se atopaba ninguén, a súa actuación limitouse a acceder co vehículo autobrazo á fachada do inmoble para desmontar as persianas.
Ata o lugar desprazáronse un cabo xefe de quenda, dous bombeiros e os vehículos autobomba urbana e autobrazo. Unha vez rematado o servizo, regresaron á súa base, quedando de novo operativos.