Paderne.-27/04/2011 Efectivos do Consorcio Provincial Contraincendios e Salvamento da Coruña con base no Parque de Bombeiros de Betanzos interviñeron como consecuencia dun accidente de tráfico acontecido á altura da parroquia de Viñas, no concello de Paderne.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse co condutor do automóbil atrapado no interior do mesmo a consecuencia do accidente. O seu labor consistiu no rescate do condutor, para que puidera ser atendido polo persoal sanitario. A continuación, limparon a estrada dos restos do auto.
Ata o lugar do accidente desprazáronse un cabo xefe de quenda, dous bombeiros e un vehículo autobomba urbana. Ademais dos bombeiros, tamén participaron na intervención efectivos da Garda Civil de Tráfico, Voluntarios de Protección Civil, GRUMIR de Betanzos, SMPC de Bergondo, 061 e Atestados. Unha vez rematado o servizo, regresaron á súa base, quedando de novo operativos.
Enviar