Noia.-31/08/2014 Efectivos do Consorcio Provincial Contraincendios e Salvamento da Coruña con base no Parque de Bombeiros do Barbanza interviñeron como consecuencia dun incendio acontecido na galería do hotel Mar de Noia, no termo municipal de Noia.
O Centro de Atención ás Emerxencias 112 Galicia recibiu o aviso, e deseguido se mobilizaron os bombeiros, os que, cando chegaron ó lugar do sinistro atopáronse cun incendio nunha galería situada no primeiro andar do edificio. O seu labor consistiu na adopción das medidas preventivas e de seguridade oportunas, e no desaloxo do hotel.
Ata o lugar do incidente desprazáronse un cabo xefe de quenda, dous bombeiros e os vehículos autobomba urbana e furgón de servizos varios. Ademais dos bombeiros, tamén colaboraron na intervención membros da Policía Local, do 061 e do SMPC de Noia. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.
Enviar