Localización +34 981 758 117 registro@cciacoruna.gal
Estás en: Inicio > Novas > Accidente de tráfico acontecido na parroquia de Bealo, no Concello de Boiro

Accidente de tráfico acontecido na parroquia de Bealo, no Concello de Boiro

Accidente de tráfico acontecido na parroquia de Bealo, no Concello de Boiro

     Boiro.-24/05/2012 Os efectivos do Consorcio Provincial Contraincendios e Salvamento da Coruña con base no Parque de Bombeiros do Barbanza interviñeron como consecuencia dun accidente de tráfico acontecido á altura da parroquia de Bealo, no termo municipal de Boiro.

     O Centro de Coordinación de Emerxencias 112 Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse un vehículo accidentado, atravesado no medio da estrada e sen ninguén dentro. O condutor atopábase fóra do auto, sentado nun muro, e apreciábaselle unha ferida na cabeza. O seu labor consistiu na adopción das medidas preventivas e de seguridade oportunas e na limpeza da estrada dos restos do accidente.

     Ata o lugar do sinistro desprazáronse un cabo xefe de quenda, dous bombeiros e o vehículo autobomba urbana. Ademais dos bombeiros, tamén colaboraron na intervención membros da Garda Civil e persoal da Garda Civil de Tráfico. Unha vez rematado o servizo, recollidos os datos necearios e o material empregado, regresaron á súa base, quedando de novo operativos.


enviar a un amigo Enviar