Santa Comba.-12/02/2012 Efectivos do Consorcio Provincial Contraincendios e Salvamento da Coruña con base no Parque de Bombeiros do Xallas-A Barcala interviñeron como consecuencia dun incendio nun vehículo acontecido á altura da rúa Eduardo Pondal, no termo municipal de Santa Comba.
O Centro de Coordinación de Emerxencias 112-Galicia recibiu o aviso e deseguido se mobilizaron os bombeiros, os que, cando chegaron ó lugar do sinistro, atopáronse cun vehículo ó que lle estaba ardendo o motor e o interior do habitáculo. O seu labor consistiu en sufocar o incendio.
Ata o lugar do incidente desprazáronse un cabo xefe de quenda, tres bombeiros e os vehículos autobomba urbana e nodriza. Ademais dos bombeiros, tamén colaboraron na intervención efectivos da Garda Civil de Corcubión e persoal do GRUMIR de Santa Comba. Unha vez rematado o servizo, recollidos os datos necesarios e o material empregado, regresaron á súa base, quedando de novo operativos.